(1970¿) El rezo del rosario

link

Sentonos al só llao averadinos
y díxonos así: Tai calladinos.
Vamos rezar, como bonos cristianos,
lo que lle de rigor, antes de chanos.
Y aquel que 'n el rezar ponga màs ganes,
he comprai el domingo un rial d'ablanes.
(La que falaba así yera mió güela,
a la lluz amustiada d'una vela.)
Non te duermas Delfín, qu'acabo llueo;
en cuantes qu' espabile un poco'l fueo.
Po la señal de ...
Calla, Belisario,
que non t¡oiga en to'l rosario.
....la Santa Cruz, de nuestros enemigos...
Apara ya, Fidel, de comer figos.
Y tú, Xoaquín, dexa ya d'arrascate,
con tal non tes boscando espelleyate.
...llibranos, siñor...
Qu'amor el güestro
que nin fe pa rezar teneis.
...Dios nuestro.
Al que non té col respeuto debío
xuroi que va saber del xenio mío.
Que ye talmente el mesmo d'una fiera
cuando se trata de la rezadera.
E nel nombre del padre...
Deslleguaos;
¿non vos va ser posible tar callaos?
...y del fío...
Maldita parpayuela;
que nin respeuto tien pa co la güela.
¿Qué ye lo que depriende la insiñanza;
qu'hasta lo màs sagrao se toma a chanza?
..Del Espírito Santo..
Y ya ta bien;
non puedo aguatar màs; Siñor.
...Amen.
Y , a sabiendes de lo moy necesario,
que ye pa todos el rezo del rosario,
vais a dir pa la cama deseguía,
dexando ya'l rosario pa otro dia.
¡Si tal cosa socede con mió güela,
non nos dexa n'ancia ni una muela!
¡Ay! como cambia todo co los años,
trayendo cada ún munchos màs daños.